Gift <3

السبت، 8 مايو ~ 11 ونص مساءاً

.

.

.

 

اليوم كان جداً مرهق و متعب.. دخلت البيت الساعه 6 ونص مدري ليش

كل اللي افتكره اني كونت نايمه في السياره و وصلت البيت و على غرفتي على طول

فكيت المكيف و نمت لين الساعه 10.. صحيت بديت يومي، فكيت اللاب و جلست اشوف ايش حسوي

قلبت في القنوات ما لقيت لا فلم و لا برنامج عجبني..

انيدرا جداً بطي و بس يعلق و يرفض يفتح.. اعتقد انو من الاتصال حقي لانو بيعمل كدا مع كل المواقع

جات الساعه 11 رجعت ماما من شغلها قرفانه من نفسها و معاها اكياس

الموهم طلعت من الكيس علبه برفيوم و علبه كبيره

طبعا فكيت العلبه الكبيره و شفت عطر.. هع حطيت عيني عليه بس اول ما شميته قلتلها خديه

(دا مو انا (اقصد الريحه ما تعبر عني

قالت اصلا هو مو ليكي العلبه الصغيره حقتك..

سألتها من فين.. قالت دي من صحبتك “ميشو” مامتها جابت العلبه الكبيره ليا و دي قالت انها ليكي

عشان ماما كانت اللي بتزبط فستان زواج اخت ميشو..

فكيتها و انا محبطه خخخخخخ و شميها .. هع الاحباط تحول لفرح

قلتلها ايوه دا انا.. دي النوعيه من العطور اللي تلائمني.. اخدت ماما العطر قالت ايوه دا انتي..

نسيت اقول انو انا مودي في العطور و في كل شي صعب.. مو اي عطر يلامني و يجي على مزاجي

حبيت انكم تشاركوني اللحظه .. العطر خفيف و ناعم و رائحته منعشه

يعني حق صباح سواء في الجامعه او في الشغل.. دا في حالة كنتي من النوع اللي يحب الروائح الخفيفه

صوره العطر في حالة حبيتم تجربوه

.

.

.