, ،
اف بس مختفيه عن مدونتي ليا فتره من يوم اعلنت اني حغيب عن المونتدا
بس افتكر رجعت بس ما رجعت لمدونتي..
خلاصه الفتره اللي فاتت 
كان اسبوع جداً مرهق.. ضغطت فيه على حالي بشكل مو كويس.. ارهقت حالي طبعا ما
كونت انام زي الناس 
يوميا كونت انام 3 و نص الفجر واقوم 7 و اربعين دقيقه و عليها لتاني يوم 
طبعاً بدايتها كان عيد ميلاد (SS501) السبب كان عندي اشغال و اشياء خاصه بالنادي
كيمو و بعدو بيومين مرور 5 سنين على ترسيم الفرقه 
طبعا بحمد لله بسبب الشي دا خلصنا من 3 برامج كانت معلقه على قائمة الانتظار
هي الحلقه اللي ظهر فيها كيمو (Family Outing) احدهم تم انتاجه و رفعه..
البرنامج التاني حيكون بعد الاختبارات ان شاء الله
و بعده بكم اسبوع حننزل الثالث..
طبعا امس حطيت موضوع الانفيرسري حق الفرقة 
بس بمجرد ما حطيته حصل اللي كونت حاسبه حسابه
بمجرد ما عملت نشر للموضوع قامت علي يدي المصون 
اتحملتني اسبوع كامل بس لما شافت اني خلصت شغلي حبت تعاقبني 
انا و يدي دي في مضاربات دايم..
معليش استاهل اصلا ضغطت على حالي عشان اخلص كل اللي في يدي..
حالياً جالسين نحاول اننا نخلص كل شي بسرعه عشان في راسنا موال
نبغا نترجم ديفيدي للدبل اس 
شفتو بس.. ما اعتقد احد سواها قبل كدا 
من الصبح وانا فاتحه انيدرا و الفيس و التويتر
طبعا وحده من البنات حطت رابط لكليب ساندرا اللي في فرقة تو ني ون
اعععععععععععع خقه يا ناس.. حبيت البنت و حبيت الكليب و كل ابو كل شي في الكليب
طبعا المميز اللي في الكليب كان لي مين هو
طالع يجنن في الكليب خصوصا و هو مكحل عيونه
<<<لودا تحب العيال اللي يكحلو عيونهم 
.
.
.
سؤال مالو دخل في مدري ايش
بس احد عنده مشكله لما يحاول يفتح التويتر بـ البلاك بيري
خصوصا اصحاب شبكة الموبايلي 
جاني العصبي و هو كل شوي يقلي مشكله في السيرفس
اشك انهم مهم معرفينها من اصلو
, ،
