, ،
.
.
المود~ معصبه 
.
.
.
اليوم أول يوم دوام ليا بعد إجازتي المنعشه 
بس بجد ليتني ما داومت لأنو مودي قلب و شويه و العن ابو الشركة اللي جالسه اشتغل فيها
بدايتها جداً سيئه~ 
اول شي السستم حقي مو راضي يشتغل و من الساعه 9 للحين و انا احاول فيه
بس الحقير مو راضي يشتغل..
تعرفوا شي.. بجد اكره الهنود واليوم اللي اتعاملت فيه معاهم..
من ساعه ما اكتشفت انو سستمي ما يشتغل كلمت المدير المناوب يشوف لي حل في الموضوع
و الـ**** مو راضي يتصرف و يشوف ايش المشكله
بالله وش يحس فيه 
انا متعطله و مو قادره اشتغل و هو و لا همه..
تاني شي الخبر اللي بجد قلب مودي..
اول ما جوو البنات سألت ادا كتب الأيـاتا وصلت عالبريد ولا كيف نظامها
الصدمه انو الكتب وصلت لوحده من البنات بس مو لينا كلنا
+ الصدمه الأكبر انها 7 كتب 
يعني بعد شهرين بالتمام
دا واحنا داخلين مسوى مبتدئ
اجل لو كان ادفانس كم كتاب حيكون.. الهرجة مو هنا~ 
تعرفو ايش اكثر شي اكرهه؟ 
انو الشخص يوعدك بشي و يجي يسحب كلمته 
ليش قد كدا الناس ما عد سارت
تحترم كلمتها 
خلاص معد سار في ثقه في الدونيا دي.. كننا اطفال في الابتدائي
الهرجه انو مديرنا الرئيسي جلس يحاول فينا اننا ندخل الاختبار دا وجلس يجري ورانا
شهر كامل بس عشان نقدم في الاياتا و جلس يوعدنا بأشياء كثيره
و انو حيوفر لنا مدرب خاص خصوصي عشان بس يدربنا في حال دخلنا الاختبار
بس طلع الموضوع انو كان بس بيحاول يغرينا و لما صار الموضوع جد و سجلنا اسامينا
و دفعنا رسوم التسجيل ~ 
كل الوعود دي كأنها ما انقالت من اصله..
يعني باللهي ليش اتعب حالي و ادفع 3000 ريال رسوم دخول الاختبار
و في النهايه يسحبو علينا..
بجد قام الدم يغلي فيا.. يعني بعد ما طاح الفاس في الراس
يجي يقول مين قال انو في مدرب.. و التدريب دا اصلا تفضلاً منا لكم
وانو التدريب مالو موعد محدد و انو المفروض نداوم خميس و جمعه عشان يدربونا
لا والله طالت و شمخت حتى اجازتي الاسبوعيه اداوم فيها عشان يجي يدربونا
لا و كمان وقت ما يشوفوا ادا هما فاضيين و لا لا.. 
باللهي ايش الحال المايل دا..
سارت الساعه 12 و للحين سستمي ما اتصلح.. و المكتب متوتر بسبب حركة المدير الوسخه 
يـــــــــــــــــومك ســـــــــــــئ يا لودا 
وما اتوقع انو راح يتعدل مودي اليوم 
سبعة كتب؟ كيف الواحد يذاكرهـا؟ والاخـتبار في سبتمبر
, ،
