بمناسبة اني خلاص اجزت جيت ابا اكتب هنا بس ما لقيت موضوع اكتب عنه
و اكتشفت اني ما قد دونت ابد عن اسطوانتي المعهوده و هي (اععععع اكرهك يا يدي) خخخخخ
الغالب يعرف هرجة اليد المصونه و البعض يستغرب كرهي ليدي و تذمري الدائم منها..
الهرجة بدأت اعتقد في أكتوبر 2008 .. مو قلتلكم قبل كدا اكره اكتوبر خخخخخ
انا عندي عداء مع الدكاتره جدن شنيع لدرجة اني اسكت ع الالم لدرجة ما احس انه خلاص
انقلعي يا بنت و روحي الدكتور.. اول شي رحت لطبيب عام و قال مجرد اجهاد من الجلسة
الطويلة في الشغل ونصحني اني اتحرك ما بين فتره و التانيه، و بعد كدا جلست ساكته عالموضوع بالشهور
لين ما جا اليوم اللي سرت ابكي بصوتي منها في الشركه لدرجة انفجعو كل اللي في الشركه على
بالهم احد مات او صارت مصيبه هع.. وقتها كنت متضاربه مع بابا و ما كنا نتكلم.. رفعت السماعه
ابكي اقوله الحقني ما احس بيدي.. على طول لقيت بابا عندي و رحت لدكتور متخصص في العظام و شخص
حالتي بانه حاله نفسية و روماتيزم و انيميا وهرووووووج كتيره~ و طلب مني اني اعمل جلسة ليزر ..
زي دي بالزبط وهو ترا نفس الدكتور على فكره هع
و كتب لي علاجات كتيره اغلبها كانت زيوت.. وع بس كنت اكره حالي لما اخذها..
و سببت لي زياده شنيعه في الوزن و كثرة النسيان و قلة استيعاب وبطلت من وقتها اخذها..
شفت ضررها اكثر من نفعها..
ما انكر انه رجولي اتحسنت و اختفى المها بس يدي ابد ما اختفى الألم بتاتا
\
/
بعدها بكم شهر رجع الألم من جديد و هالمره قلت دام الهرجة مو فِ العظام نشوف دكتور الأعصاب
و رحت لدكتوره اعصاب و عملت لي تخطيط للأعصاب والعضلات
وبرضو نفس الكلام كان اجهاد في الشغل و المفروض اني اهتم بصحتي و بطريقة اكلي -_-
و هاتك يا أدويه مدري ايش هرجة امها.. هو انا ناقصه كل شويه اروح اصرف ادوية؟
\
/
بعدها بكم شهر كمان خالتي قالت لي تعالي عندي.. في المستشفى دكتور عظام جيد..
تعالي جربي و شوفي.. قلت جات عليه هو؟ ما نروح و نشوف، كان اخصائي على ما اعتقد..
عمل لي أشعة في يدي و قال انه الأوتار حقت يدي جدن ضعيفة واني المفروض اشرب حليب..
و كالعاده لستة ادويه وش طولها -_- سيرت على كل الأدويه هع~
\
/
طبعاً لسه ما خلصنا.. اخر دكتور رحت له عشان انحف و اخفف وزني بسبب ادوية اول دكتور المليانه
زيوت هو تخصصه في الأساس عظام و احنا في نص الهرجة جا موضوع يدي و اللي بأعانيه منه
من قبل ما يعمل لي اشعه قال انتي عندك ديسك في الرقبة -_- نعم؟ ايش يعني؟
ترا كلمة ديسك دي كنت دايم اسمعها و عمري ما فكرت اسأل ايش يعني!!
الموهم مسك رقبتي و عمل فيها حركه لين ما بدأ الالم يمشي في يدي اقوله خلااااااص يدي..
=_= ايش بتسوي انت؟؟ قال ولا شي بس بستثير لك الألم!!
قلتله خلاص استثرته و خلص انا اباه يختفي مو يرجع لي
اشعة و تحاليل دم و مدري ايش.. شاف الأشعه وقلي شفتي زي ما قلت عندك ديسك في الرقبة
بس للأمانه ما اعرف في ايت فقرة خخخخ
و اداني ادويه كالعادة تهئ بالاضافه لشي جديد اللي هو الجميل دا.. بس ترا اكرهه كمانا هع
الخلاصة
عندي ديسك في الرقبه ودا دايم يصاحبة الم بالكتف و يتركز في الجهه المصابه عندي اللي
هي اليسار و كمان مأثرعلى الناحية اليمين و دا سبب لي ضعف بالعضلات في اليد و الذراع
و اوقات كتير أفقد الحس او احس بالخدر فيالاصابع و تنميل و ثقل في ذراعي لدرجه
اني ما احس بيدي غير عن طريق الالم اللي بيجيني..
يعني حتى كيس المقاضي العادي ممكن اشيله بس لو شلته زياده عن دقيقه
او اكثر ما اقدر احرك يدي بعد كدا غير لما تهدا~ بالعاده لما اقول ما اقدر اشيل شي ثقيل الكل
يحسب اني بتعذر و اني جالسه امزح لانهم مو مستوعبين كمية الألم
اللي اعاني منها لانه في الغالب اليد ما يكون فيها شي الا لو انا استثرت مركز الالم
و يكون بأني اميل على الناحيه اليسار ودا بيكون لما اشيل شي تقيل او لما اشيل شي
بيديني الثنتين و دا يتبعه رجفه في اليد ما تهدا الا بعد اييييش
يعني تاخذ لها وقت وقت عشان تهدا و بش هع هع
ترا الديسك دا معايا من الولاده تخيلو 0_0 و ما عرف يمرمطني معاه الا الحين هع ^^~
دايم تقولي ديسك بالرقبه. وماكنت مستوعبه ايش يعني.
الان فهمت قد ايه هو معانااااه
كنت جايه ومتحمسه للبوستات اللي عن الفود :”
يارب يشفيك وترتاحي من ألمه
الله يسلمك حبيبي
مشي حالك ما نقول الا اجر يا رب